वैदिक चिन्तन | तिमी बाँच !! (अथर्ववेद)

जीव मा मृथाः ।। (अथर्ववेद, ३।३१।८)

बाँच, नमर ।
••• ••• •••

तिमी मानव हौ अमृतका सन्तति ! 
तिमी अमरत्वका अधिकारी । 
अमृतलाई अभ्यास बनाऊ
हे नायक ! सत्यव्रतधारी !
०००
तुच्छ आकांक्षामा अल्झिएर
किन व्यर्थ गुमाउँछौ जीवन ।
शिवसङ्कल्प लिई जाग तिमी
विराट होस् तिम्रो दर्शन !
०००
वेद भन्छन् तिमी बाँच... 
सार्थक जीवन बाँच 
मृत्युका तिमी अधिकारी हैनौ
जीवन ऊर्जा साँच ।
०००
समय हो जीवन, समयलाई
तिमी उपयोगी बनाऊ..
उन्नतिका पथमा लम्कौँ..
सँगै, आऊ हात समाऊ..

०००००००००

यो वै भूमा तत्सुखं नाल्पे सुखमस्ति — छान्दोग्योपनिषद्

विस्तार नै जीवन हो । संकुचन मृत्यु । — स्वामी विवेकानन्द